Bûngbi-vüngängö sango tî KIX

20 Jun 2022

KIX ayê tî zî lê mbîrîmbîrî na ndö tî fängö-yê, âpendä na
âfinî kodë

Âbûngbi tî vüngängö-sango na tî âfinî ködë tî TIC tî PARI Pédagogique mvenî ngâ na âwaPARI (PARIeurs) kûê, sô na terê tî âmbênî wabosö tî KIX na yâ tî dûnîa, adutï na yâ tî mbênî kâpä tî vüngängö-sango tî KIX na bïkua osïö, längö balë ôko na omenë (16) tî nze tî kakaûka, ngû 2021.

Na bûngbi nî sô, Tiffany Barnes-Huggins, walëngö kâmba tî kua tî kängbïngö-ndarä na âfinî kodë (KIX) na CRDI afa na limo-pätärä, ndâ tî âkodëlêgë ndê ndê tî vüngängö-sango tî kâmba tî kua tî KIX. Walëngö kâmba tî kua atene na töngö ndâ tî bûngbi nî : « Ë kü lânî tî mä âsango mîngi na âfinî pendä sô abâa särängö-kua na ndömbëngö kua tî âla alîngbi na nî.Ë yê tî fa lêgë sô KIX ayeke kîri na tënë na âkôzo kua tî fängö- yê na yâ tî ködörö, âpendä ngâ na âfinî kodë sô atö ndâ tî bâa gïgî awe ».

KIX ayeke sâra kua bîanî na âlêndo osïö (04) na ndö tî gbândatere. Ayeke mbîrîmbîrî Porosö tî gbândatere sô na yâ nî lindo na lêndo tî mändängö- yê na tî kängbïngö-sango na pöpö tî âwabosö tî KIX ayeke daä, âdasango tî CRDI na tî sêmângbi tî fängö-yê na dûnîa (GPE) töngana Twitter, Facebook na Linkedin, mbëtïsango tî gbâ nze otâ sô atokua na âwabosö sô wüngö tî âla ahön 1000, na yângâ tî angelëe, farânzi na esepänyôle, ngâ na âkâpä tî müngö wängö tî töküängö bîakü na lêgë tî gbândatere, tî vûnga na âtisä tî gä na yâ tî âbûngbi tî KIX ngâ tî fa âkötä finî lëkëngö-yâ tî kua sô abâa sïgïngö na ndarä.

Bûngbi tî âzo tî KIX atene nï yeke ndurü tî mû mabôko ndê ndê na na yâ tî âpialö tî nï sô adêfa nginza nî awe na âwamângbi tî mändängö-yê tî nï tî yâ tî âgbâködörö. Na mbâgë, âwängö na ndö tî âkâmba tî kua na ândarä tî lëngö âhïngängö ndo wala vüngängö-sango ; âmüngö- mabôko tî hînga wala tî wara âkodë tî vüngängö sango wala tî mâi na âwärängö-ndarä na lêgë tî hïngängö ndo; âmüngö-mabôko ndâli tî müngö na ndüzü ïrï tî KIX, tî gi âlêgë tî kono âkua tî pialö wala tî mbênî fângbi sô KIX ayê tî dêfa nginza ndâli nî tî sâra na kua na yâ tî bûngbi-gbândatere ; âmüngö- mabôko tî zîa na sêse ândïä tî lïngbïngö-terê tî kôlï na wâlï na büngbïngö âzo kûê ndâli tî vüngängö-sango na püsüngö âla ndâli nî…

Tënë nî abâa mbîrîmbîrî kpëngö sêlïngbïngö-terê tî kôlï na wâlï ngâ na büngbïngö âzo kûê (GESI).

Âwakodëkua tî KIX afa atene : « Âkua kûê tî KIX (sô na yâ nî : sïgïngö na pialö, âkodëlêgë tî garâ-mosoro, särängö-kua na ândarä, âkpälë na bïngö-lê na ndö nî ngâ na mëkängö nî) abâa tënë tî kôlï na wâlï ».

Ndâli nî, alîngbi ayôro âmbênî nzönî pande na yâ tî âlëngö ngâ na âkua tî vüngängö-sango tî KIX : tî gi âzo sô ayeke mä gô tî âla mîngi pëpe, tî sâra kua na âyângâ-ködörö ngâ na âlimo sô alîngbi terê na pöpö tî kôlï na wâlï, na bûngbi tî âzo kûê, tî kîri tî lekere yâ tî ândïä, âsêdutï na tënë tî kôlï na wâlï, tî fa  âwâlï  na  âkôlï  töngana âzo  sô  ayeke sâra  kua,  me töngana âzo sô akü gï tî wara yê pëpe ; tî zîa pätärä na ndö tî sêpöpö fângbi.

Gï na lêgë nî sô, ahûnda na âbûngbi tî vüngängö-sango sô tîtene âla ne ândïä balë ôko tî vüngängö-sango tî mäïngö tî kôlï na wâlï na yâ tî kâmbakua tî Bêndo-gïgî sô abâa tënë tî mäïngö (PNUD) mbîrîmbîrî nî t :

      • fa âwâlï ahön tî kôzo ;
      • fa polêlê lïngbïngö-terê na pöpö tî kôlï na wâlï ;
      • mbumbuse müngö mabôko tî âwâlï pëpe ;
      • kânga lêgë na sïönî tënë sô akângbi pöpö tî kôlï na wâlï ;
      • ke zo ôko pëpe ;
      • tene gï nzönî tënë na ndö tî kôlï na wâlï ;
      • sâra sï zo awara kpälë pëpe ;
      • mû gô tî komânde pëpe ;
      • fa gï âye sô asï, fa bibê pëpe ;
      • mä mbâ, mû bê na mändängö yê ngâ na gbïängö-yê.

Tî hînga yê daä nzönî : www.gpekix.org

Partager :

Bûngbi-vüngängö sango tî KIX
Bûngbi-vüngängö sango tî KIX
Mëkängö mäïngö kua tî kötä ngbölïngö tî mbängö nî
Mëkängö mäïngö kua tî kötä ngbölïngö tî mbängö nî
Gïngö pekô tî âsango
Gïngö pekô tî âsango
previous arrow
next arrow

Wordpress Social Share Plugin powered by Ultimatelysocial