Tënë tî kötä wambängö-pialö
Pr Annie Sylvie WAKATA
Watisä tî pialö PARI pedagogique ayeke na ngîâ mîngî ndâli tî sô lo yamba finî kodë sô.
Tî kôzo nî, kötä dambëtï tî sêndâgî tî Yaûnde 1, na yâ tî kua tî gîngö ndâ yê, tî fängö-mbëti ngâ na tî müngö mabôko na mäïngö, amû ngoi sô CRDI asïgîgî na nî tî sû ngâ tî särängö mbênî mbëtï tî lêgë tî tambûla, sô alingbi tî wara na yâ nî âtënë sô kûê ahâsa yâ nî tënë tî bängö ndo kûê na ndö tî fängö-mbëtï na kêtê dambëtï na Bêafrîka ngâ mbîrîmbîrî na yâ tî âködörö otâ sô ayeke : Kamerûne, Ködörösêse tî Bêafrîka ngâ na Sâde.
Tî ûse nî, fängö yê na kêtê dambëtï na Bêafrîka, mô bâa mo tene, âkodë tî fängö nzönî lêgë na âwafängö-mbëtï ayeke nzönî pëpe, sï ayeke buba nzönî tî fängö mbëtî. Ayeke nzönî tî mû âfinî lêgë tî mâï âkodëkua tî mbîrîmbîrî tënë tî âwafängö-mbëtï kûê, tënë tî töngö ndâ tî fängö-yê ngâ na sua-fängö yê na âwafängö mbëtï. Tî kîri na pekô tî ânenêe tënë sô, PARI pédagogique agi tî gbû li tî zîa na sêse ngâ tî kpêngba âyê sô ayeke ngâ na âfinî mbängö tî fa yê na âwafängö yê (âwafängö-mbëtï tî kondaräa) ngâ na âla tî bûngbi tî kêtê ködörö sô ayeke tene ûse wala gbâ tî yângâ ködörö sô agbû terê, ngâ na bängö ndo sô abâa âzo kûê, atâa sô âla yeke ndê ndê.
Pari pédagogique ayê tî zîa na sêse ngâ tî kpêngba âtënë tî fängö yê ngâ na kodëlêgë tî âfinî lëngö tî dü âkua tî fängö yê tî nzönî ndâli tî fängö yê na âwafängö-mbëtï sô alîngbi tî sâra nî na Kamerûne, na ködörösêse tî Bêafrîka ngâ na Sâde.